譚凱琪與野生動物近距離接觸，大讚牠們可愛！

節目主持譚凱琪Zoie早前到挪威拍攝旅遊特輯，挪威天氣寒冷，經常冰天雪地，適合滑雪，不過當地崇尚環保，不建議滑雪人士乘坐電梯到雪山山頂，要自行穿上特製釘鞋徒步上山頂。Zoie指挪威人講求天然及運動，在街上很少看到肥胖的人，當地盛產海鮮，她亦品嘗了海鮮餐：「間餐廳喺海邊，有人即場跳落海，用視像影住有乜嘢海鮮，客人邊睇邊揀，另一間餐廳係喺船上，好似遊船河咁，可以喺船上釣魚、浸浴，有人煮埋畀你食，好正！」

譚凱琪與野生動物近距離接觸，大讚牠們可愛！

譚凱琪品嘗新鮮美味的海鮮餐。

譚凱琪要徒步走上雪山山頂才能夠滑雪，運動量十足！

Zoie此行首次近距離接觸野生動物：「去咗一個動物園，裏面有狐狸、狼同狸貓呢啲平時聽到都會驚嘅動物，但我可以抱佢哋，有指導員事前同我哋講解乜嘢可以做同唔可以做，一入到去要扮佢哋叫，即係同佢哋打招呼咁，然後就會一隻一隻行埋嚟畀你抱，跟住佢哋會喺你身上屙尿，但呢個舉動代表當你自己人，所以絕對唔可以驚慌，真係好難忘！」