「求愛女」撻著模媽Mia前夫
無綫配對節目《求愛大作戰》反應不俗，女參賽者Whitney承認與模媽陳靜儀的前夫拍拖，對於被指與對方似樣，她說：「唔係好知佢咩樣！」
Whitney自爆跟Mia前夫莊先生拍拖，更揚言不介意對方已育有小孩。
Mia再惹上是非，無端端被「求愛女」Whitney寸爆。已育有小孩。
莊先生
岑應自爆喜歡大隻男，Rocky即High到爆笑。
Carol不避嫌黐實Justin，有啲曖昧喎！
前晚《求愛大作戰》參賽者、編導岑應、導師陳定邦及「綠魔」Karl（許嘉浩）等出席宣傳活動，其後到K房睇節目。最近有指女參賽者「白白淨Whitney」與模媽陳靜儀（Mia）的前夫莊先生約會，她承認莊先生是其現任男友。問到是否認識Mia？她說：「睇過結婚相，但唔知係佢。（男友有講佢有兩個小朋友？）相識兩日後有講。（介意？）冇得介意啦！都鍾意咗。（覺得佢呃你？）唔係。」對於有指與Mia似樣，她竟說：「唔係好知佢咩樣！（睇過結婚相喎！）唔開心事就咪提。」
編劇岑應「示愛」
至於大隻Rocky在Facebook自爆「喜歡岑應」，他前晚縮沙表示並非愛意，但狂讚對方真誠，參加這節目亦因為她。岑應笑言似亂倫，卻自爆喜歡Rocky這類大隻男：「見到肌肉就流口水，我唔介意男仔細過自己。」問Rocky是否收視達30點便裸跑慶祝？起初他猶豫，岑應插嘴說：「男人講得出就要做得到！」Rocky即表示冇問題。另一對被拍得約會的Carol與Justin搭膊合照，Justin承認有向女方送禮，但仍是朋友關係，Carol則讚Justin是筍盤。而他們在台上大爆最終配對成功的是參賽者跟評判，未知是否指Cyrus及Queenie。
此外，Karl前晚與模王璐瑤（LuLu）出席活動，對於被指任中間人安排Model與富豪的飯局，Karl說：「冇！我只係幫啲Model接Job同理財。（有冇人透過你安排飯局？）話冇都係假，但我會幫佢哋推，有Model有興趣，但唔係我工作範疇。」
