「新人王」披甲應戰蕭正楠望獲認同

蕭正楠、王浩信和王君馨被指內定入圍《星夢傳奇》，據知三人只是在等檔期許可，隨時「迎戰」。蕭正楠和王浩信都曾是樂壇新人王，相信壓力會比其他藝人大，蕭正楠說：「大家覺得我做過歌手、出過唱片，依家又唱主題曲，參賽好似贏係應該，輸咗就抵打咁！不過我都想抱住輕鬆心情參加，因為今次唔係想做番歌手，只係想得到觀眾認同。」而王浩信坦言壓力一定有：「挾着做過歌手嘅身份去做呢件事，都唔想畀壞印象觀眾，加上面對咁有經驗嘅前輩，一定有壓力！」而君馨表示預了被批評，而批評會令她進步。