Dickson拿着公仔氹蔣怡開心，非常甜蜜！

懷孕9個月的名模蔣怡（CoCo）現已全面停工，日前她與珠寶設計師老公翁狄森（Dickson）到中環逛街，主力睇BB用品。腹大便便的她步履輕盈，但老公仍肉緊地拖實她，途經花店時，CoCo撒嬌要老公送花，Dickson亦樂意氹老婆開心！抵達BB用品店後，二人對BB梳化、玩具及書籍等愛不釋手，又拿起玩具玩餐飽，十足大細路！其後Dickson見太太略有疲態，即搵餐廳坐低醫肚，CoCo還獨自食了一大碟飯！

Dickson拿着公仔氹蔣怡開心，非常甜蜜！

本應戒口的蔣怡開懷大嚼，老公不禁肉緊地望實她。

記者事後致電CoCo，她透露本應戒甜及澱粉質，但實在難以忍口：「兩個月前，醫生話我有妊娠糖尿，要食得清淡。（擔心？）醫生驚BB過大，但我唔擔心，我不嬲都鍾意食甜嘢，糖分高好正常。（老公就晒你？）佢乜都唔使我做，當我女王咁！」