馮德倫(左)

曾與Mark組成男子組合Dry的馮德倫,前晚上台撐舊拍檔,並合唱十幾年前的金曲。二人澄清當年拆夥冇不和,又互笠高帽搞氣氛,Mark說:「你終於做到大導演!」而馮德倫則回敬:「你都做咗監製啦!」一向「姿整」的Mark又嫌馮德倫着T恤及波鞋上台太Hea,還指着他說:「你想點呀?」令馮德倫有點尷尬,只好自嘲:「我冇得改o架喇!」

馮德倫(左)

羅敏莊

梁漢文(右)

羅敏莊自嘲歌星仔

身穿大露背裙獻唱首本名曲《挑戰者》的羅敏莊,演出深受好評,昨日她偕老公陳國邦出席婚紗店開幕活動時,感激Mark給予機會:「好似我哋啲歌星仔,冇諗過可以踏上紅館舞台,多謝雷頌德畀機會我!」而一拐一拐的陳國邦則透露,為劇集《寒山潛龍》日打夜打,連何時受傷亦不清楚。

梁漢文負傷紮紮跳

早前在蘇梅島玩獨木舟時,不慎被尖石鎅爆左腳腳板底的梁漢文(圖右),前晚負傷上陣依然唔錫身,與老友蘇永康合唱時不停在台上跳來跳去,睇見都牙煙!事後Mark大讚他夠「雷氣」,受傷亦上台撐場!