黎明戴超唱歌保命

入行多年的雷頌德（Mark），曾為無數天王、天后打造大熱金曲，前晚他在紅館舉行演唱會，獲不少紅星撐場，陳慧琳打頭陣與陳曉東獻唱大熱歌曲《打開天空》，為觀眾熱身，其後多位歌手逐一上台，而多年來與Mark合作無間的黎明（Leon）則壓軸登場！西裝筆挺的他獻唱《明星》懷念其音樂啟蒙老師、已故前輩黃霑，是全晚唯一一首並非Mark的作品，Leon表示本想戴着黑超獻唱，但工作人員提點此舉欠尊重，有「金句王」之稱的他搞笑地說：「唔戴眼鏡唱歌嘅前輩走晒啦！所以我想戴眼鏡，咁就可以遲啲走！」

正當大家仍在消化Leon的含義時，他再度「發功」爆金句：「其實早走遲走唔使諗咁多，因為走嘅係軀殼，而靈魂就繼續飛！」觀眾即報以熱烈掌聲及歡呼聲！其後，Leon與多位舞蹈員載歌載舞，期間女舞蹈員脫下外套露出金Bra，但他仍目不斜視。

千嬅透背熟女誘惑

至於「人妻」楊千嬅則身穿透背裝、腳踏5吋高踭鞋又唱又跳，她說：「聽我歌嘅人都知有Mark，音樂嘅嘢大家心照，希望有機會再合作。」提到千嬅冇份拍攝演唱會海報，Mark解釋最初有意開騷時，對方剛懷孕，故未知她會否答應，到她產後復工即答應演出。

此外，Mark在各個環節中向眾多歌手致謝，又特別提到前輩黃霑，他說：「霑叔教咗我好多嘢，我最深刻係聽過佢話『冇懷才不遇』，同埋『十幾年前寫首歌唔Hit，但十幾年後再唱Hit咗。』」Mark指霑叔患病後沒有向他透露，但逝世前有天致電他，批評其作品的編曲：「當時我冇為意，敷衍咗幾句，但冇幾耐就收到霑叔死訊。」說時感觸得眼紅紅。Mark又在演唱會尾段對着坐在控制台的太太Jade高呼「I Love You」，場面感人。