侍母至孝的傑仔面對病母逝世，一時感觸流下男兒淚。

魏駿傑母親前日在病榻中逝世，經過一整晚哀傷，他昨晨忍痛與兩位兄長辦理母親後事。他透露當晚憶起母親時感觸痛哭，女兒安慰他時亦不禁灑淚！

侍母至孝的傑仔面對病母逝世，一時感觸流下男兒淚。

傑仔於手臂紋上「六字大明咒」，為亡母祈福。

魏駿傑與母親

傑仔（左）與兄長為母親辦理身後事。

患末期肝癌的魏母大前日病情急轉直下，魏駿傑即放下工作從內地返港陪伴，最終魏母在所有家人陪伴下於前日安詳去世，享年83歲。傑仔最近因重提舊愛滕麗名而引起對方不滿，已令他煩惱不堪，加上喪母可謂歷盡哀傷！他昨晨與兩位兄長為母親辦理後事，全程未見妻子張利華及女兒，戴黑超的他難掩哀傷，手臂上還見他紋上「六字大明咒」，望母親減除痛苦，問到後事安排，傑仔說：「一切進行中，會以佛教儀式舉行同土葬，呢個係媽咪嘅遺願，希望可以葬喺爸爸附近！」談到與母親相處最後的日子，他一臉唏噓地說：「冇乜！佢入咗醫院都兩、三個月，最初胃口都好好，我哋幾兄弟都盡孝心買好嘢畀佢食。媽咪係末期肝癌，但都幾有福氣，因為去到臨走前三、四日先食唔到嘢。」

家人陪伴 安詳離去

傑仔又表示母親離開前，全家一直守護在旁：「之前成日返內地登台，都好驚返唔切嚟，喺佢耳邊講要等我，但當時佢已經冇咩反應，我都係前晚（即大前晚）再趕返嚟香港！佢臨走前所有家人都喺身邊，睇住佢心跳慢慢停，走時冇痛苦，醫生都讚媽咪叻！（手臂紋身同媽咪有關？）係！兩個幾月前想為媽媽祈福，紋咗『六字大明咒』嘅藏文字樣喺手臂，希望可以幫媽咪轉移痛楚，畀我代佢承受，媽咪走時都好似唔係咁痛，好似有啲靈驗。」還透露太太湊女返學，故昨日未有同行。

辦完死亡證後，傑仔趕往辦理買墓位手續，等候時主動向記者說：「囡囡好生性，曾經主動問嫲嫲去咗邊，尋晚都諗起媽咪，就開咗支紅酒飲，仲喊起上嚟，囡囡跑嚟安慰我同問我做咩喊，我冇答佢，但佢就同我喊埋一份。」傑仔其後接受電話訪問時表示，母親遺體已移送往殯儀館，稍後與兄長視察墓地。