伊健透露年底與一班「古惑仔」兄弟開騷，打算邀舒淇做嘉賓。

舒淇昨日出席活動時被問到遭盜用肖像一事，她坦言時有發生，最擔心是被不法之徒利用作招募臨時演員行騙，故提醒有意做演員的人要小心，尤其是女仔一定要找男仔陪：「依家社會太亂。」

伊健透露年底與一班「古惑仔」兄弟開騷，打算邀舒淇做嘉賓。

舒淇拎戰利品拎到手攰，急急折返。

放低「幾両」後，舒淇一身輕，鬆晒！

兩手揈揈，舒淇好自然就玩電話。

靚女舒淇昨日以代言人身份，與老友鄭伊健到澳門出席意大利運動品牌活動，分別乘坐貢多拉出場，但舒淇卻與船伕「撞橫間衫」。她透露原本會到意大利、羅馬及西班牙為品牌拍照，感受當地浪漫氣息，但因工作在身，結果全程在北京Studio拍攝。

提到近日有內地脫毛膏盜用其肖像，舒淇坦言已非首次：「有人見到講我知，成日有呢啲事發生，我最擔心係內地有人利用我嚟招募臨時演員，話一日有成2,500至5,000蚊人工，一睇就知唔係！我唔知有咩企圖，如果想做藝人一定要小心，尤其係女仔一定要搵男仔陪，依家社會太亂，太多陷阱！啲人直情明目張膽！」她又透露早前突然有假期赴美遊玩，其後便到蒙古拍電影《聶隱娘》，指該片經常轉景，拍完蒙古就到山西，經常要坐六、七小時車，坐到屁股都痛，但不知要拍到何時，她說：「唔好似《一代宗師》拍咁耐！（拍完抖吓？）又唔得，跟住可能拍住另一部先。」雖然工作忙爆，但舒淇前晚偷閒到中環Shopping，獨自逛街的她不愁寂寞，更愈買愈興奮，一會兒便大有斬獲。可能戰利品太重而懶得攞，她離開後又折返放低一大袋戰利品，回復兩手揈揈後即急不及待玩手機！

伊健夥兄弟年底開騷

同場的鄭伊健則被問到年底與謝天華等開演唱會一事，他說：「經過我哋幾年商量，決定今年成事，其實講咗好耐，但又有合約問題，結果有次食飯講起就決定今年，紅館又畀到期。」他透露「古惑仔」兄弟已落實，亦會邀請舒淇做嘉賓，其他嘉賓人選則稍後公布，他們現已開始籌備及Keep Fit，問到可會擔心小春忙湊BB，伊健笑言已計劃在內。