子丹搭着來探班的囝囝膊頭，洋溢父愛。

最近埋首拍攝英皇新片《一個人的武林》的甄子丹，忙到冇晒家庭樂。日前被《好報》拍得子丹太太汪詩詩要帶同子女到大埔的外景場地探班樂享天倫，但外景當日高度戒嚴，謝絕採訪之餘連親人探班都被拒諸門外，子丹為見愛妻和一對寶貝仔女，只好待Cut機時抽空到場外陪家人。

子丹搭着來探班的囝囝膊頭，洋溢父愛。

子丹抽空到場外陪伴老婆汪詩詩。

詩詩昨日在電話中表示有15分鐘時間相處，好等囝囝開心：「嗰日好Lucky，子丹早收。（帶囝囝探班？）其實想畀囡囡睇吓爸爸拍戲幾咁辛苦，不過最近冇咁忙，起碼可以返屋企瞓！（囝囝詐型？）冇！嗰日好熱又畀蚊咬，不過都好乖。」