黃浩然打算買玩具送陳豪，為對方增加親子互動的機會。

陳豪娶得嬌妻陳茵媺（Aimee）歸後，即有月餅品牌垂青，以天價力邀連續第三年任代言人，一於搵定奶粉錢！而前晚劇集《情越海岸線》舉行大結局飯局，傳在加拿大安胎的Aimee缺席，只有黃浩然、樂瞳、李詩韻及姚子羚等撐場。結局時與Aimee有咀嘴戲的黃浩然笑說：「今晚張單叫Aimee同陳豪埋就啱喇！（Aimee知有呢個飯局？）唔知佢知唔知，依家咪騷擾佢，祝佢早生貴子！（你爆佢有咗？）唔知o架，冇聯絡，我聽聞佢哋有BB，戥人開心咋！如果真係有BB，我會買故事教科書同沖涼玩具送畀佢哋，等佢哋多啲親子機會！」

黃浩然打算買玩具送陳豪，為對方增加親子互動的機會。

郭少芸（左起）、黃德斌、黎諾懿及朱慧敏黐到實，夠晒老友！

另外，陳豪好友黃德斌出席《愛．回家》宣傳活動時說：「知陳豪返咗香港，等佢休息吓，我知佢之前去巴黎探路，但唔知係搞婚禮。換轉係我，都會事後先公布！（你送咩禮？）買BB嘢。（知係B仔定B女？）買BB車一定啱！」此外，提到兒子劉愷威的舊愛廖碧兒多次錯失機會，同場的劉丹說：「唔可以咁講，第日佢可能搵到個好啲呢！」