詹瑞文化身麥當娜，更High爆自摸，勁出「峰」頭！

扮嘢能手盧海鵬及詹瑞文前晚在紅館大騷「扮嘢」功，扮盡中外紅星！曾自封「爛口鵬」的鵬哥在台上多番克制，以防漏口爆粗，但在詹Sir鍥而不捨的引誘下終失守，不禁說出：「X你老味！」

詹瑞文化身麥當娜，更High爆自摸，勁出「峰」頭！

盧海鵬扮成羅文，與男舞蹈員大跳「艷舞」。

詹Sir（左）及鵬哥以超人造型登場，落力狂派笑彈！

前晚，「扮嘢宗師」盧海鵬及「扮嘢大師」詹瑞文假紅館舉行一連兩場的《詹瑞文盧海鵬紅館奇幻扮嘢大典》，首度進軍紅館的鵬哥與詹Sir扮盡美國天后麥當娜、韓國歌手Psy、羅文、徐小鳳及陳奕迅等，全晚笑聲不絕！嘉賓之一的余慕蓮以水藍色Tube Dress現身與鵬哥合唱粵劇，卻慘被鵬哥寸：「後面睇一支花，前面睇似我阿媽！」

自嘲老餅頂硬上

鵬哥及詹Sir在台上大玩重口味，詹Sir變身美國天后麥當娜，以「奇峰凸出」的造型登場，更將「峰頭」指向鵬哥，鵬哥大嗌：「咪行咁近得唔得？成日隊啲嘢過嚟！」詹Sir即不文地說：「我想插你一嘢！」更即場開胸倒奶，取出奶王平安包。詹Sir不停大玩諧音粗口引鵬哥爆粗，終令鵬哥破戒大爆「打你老X」及「X你老味」，認真兒童不宜！

其後，鵬哥戴上長假髮與嘉賓劉以達組成「撻成一塊」，但兩人頻頻甩嘴及「舌累脷」，似唸經多於唱歌，但仍贏盡掌聲！兩人又穿上徐小鳳的經典波波裙化身「詹小鳳」和「盧小鳳」大唱金曲。尾聲時，兩人變身超人，並分別於心口貼上「正」字和「能」字，更在屏幕上打出：「我哋全部係正能樣。」貫徹不文風格大玩粗口諧音！最後，鵬哥感性發表扮嘢宣言：「當初我唔敢接呢個騷，年紀大怕頂唔順，但鍾意扮嘢，梗係死人都頂啦！」