朱茵笑Paul見女謝晒皮

已為人母的女星朱茵昨日以「奧比斯兒童大使」身份出席活動，初為人母的她已回復索爆身材，提到老公黃貫中（Paul）與前Beyond隊友黃家強的是非，她表示忙於湊女無暇理會：「每到呢個月份就有呢啲新聞，咁多年都睇淡晒，唔理係最高嘅做法！（叫Paul都唔好理？）佢見到個女就冧到謝晒皮。」她又分享早前與Paul到尼泊爾探訪的感受，表示要交低七個月大的囡囡「叉燒包」黃鶯相當不捨，要「每日一電」解相思：「去完後更覺得我哋生活奢侈，唔想個女想要乜就買！我哋唔係怪獸家長，呢段時間想佢開心同接觸大自然，唔想佢半夜做功課做到喊。」