《求愛》Rocky爆助查強姦案

無綫新配對節目《求愛大作戰》前晚首播，參賽者迅速被起底，昨日有爆料者指予人開朗感覺、貌似足球員陳肇麒（陳七）的Rocky（黃憲麟）曾任輔警，於2009年平安夜曾捲入一宗富家女強姦案！

編導岑應昨日接受電話訪問時大讚Rocky誠實，在招募時主動提起事件：「佢話當晚飲醉，我諗係年少氣盛，男女關係有啲混亂，但最終告唔成，我哋了解過佢冇刑事紀錄！佢問我有冇問題，我衡量過可以接受到！（其他參賽者有冇類似事件？）應該冇，但有好多私事我唔知，其實節目係着重感人故事，希望男觀眾有共鳴。」

Rocky表示事隔數年，或有內容記錯故不想多提，但澄清只是協助調查，問到何以自揭事件？他說：「清者自清，上得節目證明我冇事發生過，我唔知咩人報料，唔想影響到個女仔。（形象扣分？）唔怕！人哋點講控制唔到。」年半沒有拍拖的他笑言並非追不到女仔，參賽都只是想多一個機會：「好多朋友鼓勵我，話我唔係咁樣衰！」

其後記者翻查Rocky的Facebook，發現他相當重口味，首先他fb的背景圖案，是他之前與多位猛男好友齊齊在水中除泳褲露Pat Pat的照片，行為大膽。他亦曾在fb多次轉載外國女生的性感圓渾臀部，似乎對臀部情有獨鍾！而曾是大胖子的Rocky，經積極減肥後變成有八舊朱古力腹肌的猛男，難怪他會以赤裸上半身的肌肉照，作為fb的Profile Picture，足證他信心爆棚。

共接廿宗投訴

此外，節目首集平均收視18點，最高20點，不及去年《盛女愛作戰》平均26點，岑應表示不想用舊橋，希望有新元素。外事部副總監曾醒明力撐現時只是鋪排。而通訊管理局收到14宗投訴，指節目評審帶歧視，形象顧問造型及聲線令人不安。無綫方面接獲6宗投訴，指侮辱女性、主持不男不女等。