Thomas在台上寸嘴，但受訪時卻口窒窒。

無綫再次推出真人騷《求愛大作戰》，節目昨日在尖沙咀舉行記者會，8男5女參加者率先見人！這次主角由盛女變成盛男，一眾參加者質素參差，騎呢、娘爆、寸嘴乜都有！此外，《盛女愛作戰》的Mandy、Suki和男友Zion都有到場為他們打氣。

Thomas在台上寸嘴，但受訪時卻口窒窒。

Sharon（左起）、Whitney、Jasmine、Vivien及Carol五位女參賽者令人刮目相看。

「騷肌陳七」Rocky自動波扯高衫騷腹肌娛賓。

28歲的「處男」Thomas，可謂最突出的一位，他先在台上語無倫次說：「未食過豬肉，但見過豬扒！」其後受訪時口窒窒反問記者如何定義處男：「睇你點界定啦！自己用手嗰啲算唔算？」非常露骨！另外，笑容親切、貌似足球員陳肇麒（陳七）的Rocky，更非常有表演欲，自動波騷腹肌娛賓！

另一邊廂，5位女參加者亦令人大跌眼鏡，其中滿面暗瘡的「爛面Sharon」，受訪時囂到爆，問到會否因皮膚差而令男生卻步，她則拿出不知從哪裏來的自信說：「因為咁唔要我，係佢哋嘅損失。」對於參加者質素差，非戲劇製作總監余詠珊解釋：「始終呢個唔係選美，每個人性格都有特色。」但她指會盡量避免內容太過界。