白健恩這十年間儲了數百張Postcard,其中最愛狗仔Postcard。

不要以為白健恩(Ronan)大大隻,其實他也有孩子氣的一面,皆因他有收藏狗仔Postcard的喜好,一儲便十多年,至今更儲了數百張:「我鍾意狗,起初都係儲咗狗仔Postcard,之後就乜都儲。因為我讀演藝學院,比較鍾意藝術創作,儲儲吓發覺唔同Postcard會刺激思維,啟發到靈感,對我做舞台劇同演戲都有幫助。」他又表示Postcard的保存方法要十分小心,否則會發黃變舊:「我有個防潮盒,可以好好保存!」

白健恩這十年間儲了數百張Postcard,其中最愛狗仔Postcard。

無論出埠工作或旅遊,Ronan都必定會買Postcard:「儲Postcard幾好,一來較細易保存,二來又平,朋友最開心,因為買禮物畀我唔使傷腦筋,有時佢哋去歐洲旅行都會去跳蚤市場搵畀我。」他又覺得每張Postcard是獨一無二,記者問他會否割愛?他笑說:「應該唔會,話晒儲咗咁多年,除非係為慈善啦!」