想不到樣子甜美的陳嘉桓，揸槍姿勢似模似樣！

平時耍開功夫的陳嘉桓（Rose）除打得外，她原來揸槍一樣了得，她直言因偶像安祖蓮娜祖莉的「盜墓者羅拉」造型影響，決心做「槍后」，並笑指因怕曬黑而迷上室內打「War Game」，坦言唔怕痛的她更經常組隊上戰場向男性朋友「挑機」。

想不到樣子甜美的陳嘉桓，揸槍姿勢似模似樣！

Rose希望可接拍槍戰片，勇氣可嘉。

Rose揸手槍射靶，打出Headshot！

曾苦練槍法的Rose，經常組隊上戰場向男性朋友「挑機」。

Rose因怕曬黑而迷上打室內War Game。

打War Game最緊要便是做足安全措施

安祖蓮娜飾演盜墓者羅拉入型入格，成為不少人的模仿對象。

新進打女陳嘉桓給人印象睇得又打得，練得一身好功夫的她樣子甜美、身材高挑，擁有一雙長腿，迷死不少宅男。雖然她與其他女生一樣非常貪靚，但原來平時的興趣都唔多錫身，為求刺激而迷上玩室內「War Game」。玩了近一年的她強調因夏天玩戶外活動易曬黑，於是選擇做「槍后」︰「我係一個好動嘅人，但有時玩戶外活動擔心會曬黑，所以冇人估到我會玩War Game，喺呢啲室內場玩，一嚟唔會曬黑，二嚟可以同一大班朋友玩，好刺激同開心。」

「閉關」苦練槍法

Rose迷上玩War Game，原來還有一個原因，兒時已被安祖蓮娜祖莉的「盜墓者羅拉」造型吸引的她，決心長大後要模仿偶像，學她一樣有型有款︰「我偶像係安祖蓮娜，佢拍戲嘅造型，真係好鍾意，而且最近佢好勇敢，為防乳癌切乳房，所以要着短褲模仿，希望可以有佢咁型同勇敢，當然玩嗰時會着番長褲保護自己啦！」Rose除造型睇得外，身手亦同樣敏捷，並非花瓶，坦言曾下苦功「閉關」練槍法的她說︰「之前試過一個星期去幾次，都係去練吓槍法，當然War Game老闆都好好人，經常糾正我揸槍，睇吓點樣會準啲。」因此她希望可以接拍槍戰片騷Quali︰「我未試過拍時裝槍戰，所以想試吓，依家練好啲槍法，希望有咁嘅機會。」

全套裝備唔怕受傷

不少人提起War Game，都會想起一個「痛」字，即使是用BB彈射擊，但不少人仍大呼怕怕，而向來大膽的Rose卻冇有怕，認為只要穿戴好安全裝備便不易受傷︰「其實玩咩運動都可能受傷，所以冇得驚咁多，自己小心啲就冇事。雖然BB彈可能會好痛，但只要着上合適嘅裝備同衫，就算打到都唔驚啦！」問到跟一大班朋友「開戰」時可會享有優待？她說︰「咁又唔會，我覺得玩時都要公平，所以事前會同朋友講唔使就住我。」

注意事項

打War Game最緊要便是做足安全措施，雖然BB彈及打Game的槍械受法例規管，但依然有一定危險，故除要穿上保護衣物外，也要戴上眼罩或面罩保護雙眼，方可進入戰區。玩時亦要注意勿近距離射擊對手，而且離開戰區時要確保槍及彈匣分離，安全至上。