嘉玲穿上連身裙亮相,高貴迷人。

向來與老公梁朝偉Sweet到爆的劉嘉玲昨晚出席活動時,大爆拍拖時會到夜總會跳舞的浪漫史,揚言現時享受二人世界,並否認有傳她有意找代母生仔!

嘉玲穿上連身裙亮相,高貴迷人。

長裙襯高跟鞋,嘉玲行路時要小心抽裙。

廖碧兒以密實透視裝上陣,跌晒Watt!

薛芷倫貼身短裙,激凸示人。

羅可旋穿上Tube Dress,不失大方。

馬清揚與太太錢慧儀恩愛到場。

邱子傑偕太太邱李茂琪悉心打扮赴會。

劉嘉玲昨晚穿上淡粉紅色刺繡連身裙,高貴現身由Dior全力支持的「2013香港芭蕾舞團籌款晚會」,她坦言學芭蕾舞是每個女孩子的夢想,但因她在內地出生,沒有機會學:「我有跳舞底子,有跳過樣板舞。(將來會唔會畀囡囡學跳芭蕾舞?)會!如果有嘅話,仲會畀佢學鋼琴同樂器,因為可以陶冶一個人嘅品味同氣質,唔需要好專業,希望可以訓練到節奏感同令身段優美啲!」她稱稍後在新戲中有跳探戈的場面,曾學過跳探戈的她大爆老公梁朝偉(偉仔)是探戈高手:「佢好專業,佢同張國榮喺《春光乍洩》入面跳過,佢跳得好好。(你有冇同偉仔一齊練習?)我哋拍拖嘅時候都有一齊跳,嗰個年代仲有!依家年輕人冇咁浪漫,佢哋嘅浪漫係着住Casual Wear去唱卡拉OK,我哋以前係去夜總會邀請對方跳舞。」說時一臉甜蜜。

廖碧兒恭喜陳豪做「老竇」

對於有傳她有意找代母生仔,嘉玲強烈否認:「冇咁嘅事,我要生自己生,哈哈哈!(思想傳統唔接受﹖)唔係!唔好用人哋嘅價值觀同人生態度去衡量其他人,我哋好開放,有冇(小朋友)都開心!唔一定要跟大家一樣,依家科技要做,都可以做到。(接受人工受孕?)冇!我兩個唔一定需要有,依家我哋好開心。」她稱依然享受二人世界,同樣享受一人獨處。

另外,自小學習芭蕾舞的廖碧兒專程由橫店返港支持,對於有傳其舊愛陳豪的女友陳茵媺在加拿大養胎,她表示不知情,並坦承與陳豪分手後已沒有聯絡,問到是否再見不是朋友?她即時語塞:「係同事!其實大家都有機會撞到,我喺橫店拍戲經常撞到好多香港演員。(陳豪結婚做爸爸?)公司都話佢冇直接回應,如果係真,會恭喜佢!」問到會否為終身大事心急?她笑笑口說:「冇話心急,順其自然,努力工作,我都想有自己家庭,但冇得強求。(有冇追求者?)唔知!依家努力睇劇本,拍戲好忙。」她稱若有好劇本及時間配合,不介意返無綫拍劇。