自爆腰部舊患復發的柏豪毫不錫身，大騷Quali！

周柏豪早前被本報拍得高調拖圈外女友Stephanie睇騷，感情事向來低調的他昨日出席活動被追問與女友是否好事近時，卻以「日日都好日」作回應，為迎娶女友鋪定後路。

自爆腰部舊患復發的柏豪毫不錫身，大騷Quali！

柏豪多次被拍到與女友恩愛「濕平」。（資料圖片）

落力打波的柏豪又跳高又拗腰，係咪想證明好腰力？

周柏豪昨日出席「adidas全新adipure Crazyquick籃球戰靴發布會」，近年多次被拍到與女友行街「濕平」及睇騷的柏豪，早前又被本報影到拖女友睇韓星G-Dragon騷，令戀情逐漸浮面，問到是否與女友好事近？柏豪甜笑說：「日日都好事近、日日都好日！」未知是否覺得講錯說話，柏豪即急急澄清對方只是「好好朋友」。

唔效法「爸爸」陳豪

由於有指與女友同居，問到女友是否好好的同居朋友？柏豪說：「總之係好好朋友啦！（效法陳豪傳榮升爸爸先肯認好事近？）每個人有唔同計劃，我嘅計劃係畀心機做嘢！」記者笑指他與女友「黐頭芒」睇騷，他說：「次次都係一班人睇騷，記者梗係揀最靚角度o架啦！」

此外，柏豪自爆腰部舊患復發：「之前搬重嘢拉親，依家要Keep住做物理治療，好彩唔係坐骨神經痛，醫生叫我做多啲運動。」隨即被取笑是否要多做「夜晚運動」？柏豪尷尬地說：「做適量運動。（男人腰骨好重要？）我都覺得係！」