志偉句句幫住新抱，強調家庭融洽。

曾志偉新抱Renee與苗僑偉（三哥）錫面相流出，隨即有指女方姣溝三哥。對此，前晚志偉錄影遊戲節目時力撐新抱，強調一家人關係很好，已安慰新抱，認為身為一個藝人家庭十分麻煩：「一個有事，全家都要回應，長輩禮貌錫後輩，就話勾佬，係咪黐線！希望大家分開邊個係藝人，我個仔同新抱唔係圈中人！（叫佢哋檢點啲？）冇可能！長輩錫啖後輩好正常，唔通叫佢拒絕呀？」又稱三哥已向他備案：「佢話踩踩吓單車有人嚟問佢嘢，我身為演藝人協會會長呼籲藝人唔知頭唔知路，可以唔答！三嫂（戚美珍）都受影響，佢話嬲死佢喇！我老公都唔知嗰個係邊個就寫成咁！」

志偉句句幫住新抱，強調家庭融洽。

黃宗澤與香香合照時甚為拘謹。

另一邊廂，黃宗澤及岑麗香等昨日為無綫新劇《貓屎媽媽》進行拜神及切燒豬儀式時，黃宗澤透露前晚與三哥等飯敍睇《好心作怪》首播，問到可有說起三哥跟志偉新抱的親密照？他表示三哥有捉着他合照再放上微博：「呢啲相大把啦！三嫂都笑咗成晚，可以為個劇宣傳！（你有冇相用嚟宣傳吓？）冇呀！三哥頂得住！（同胡杏兒影囉！）嘩！」現場所見，未知是否擔心傳緋聞，他與香香合照時彷彿隔着道牆！