J.Arie追夢做歌手爹哋玩跟蹤

樂壇女新人J.Arie為圓歌手夢，毅然放棄做律師，更用十多年時間令家人由反對她唱歌，到全力支持她入行，她說：「屋企管教非常嚴，由細到大所有有關於音樂嘅活動都唔畀參加。最後爹哋媽咪同意我讀完大學之後可以試吓，因為畢咗業起碼有條後路。同埋好彩我細佬依家都讀緊法律，佢哋都有個安慰！」不過J.Arie曾因唱歌與父母發生不少摩擦：「上咗大學我開始夾Band，成日練到第二朝再直接返學，佢哋知我冇返屋企好嬲，罰我企門口，當然我唔會企成晚啦！好彩有朋友收留我，爹哋仲試過跟蹤我，睇吓我去邊度表演！」