白健恩外表剛強，但原來非常怕鬼！

藝人白健恩（小白）憑劇集《法網狙擊》中的奸角爆紅，但舞台劇演員出身的他原來最恨拍鬼片！他自言最愛神怪事物，更自爆兩年前的靈異經驗！他表示當時正在排練一個講鬼故事的舞台劇：「有一晚12點幾做完嘢返屋企，入大堂見到個婆婆拎住紅白藍膠袋入升降機，我見有升降機咪跑過去囉！升降機門未閂晒嗰時我去撳掣，但開門嗰陣入面喺冇人嘅！因為冇遇過呢啲事，嗰刻我都唔識驚，照入升降機，但一閂門就開始識驚，覺得有唔妥，好似愈來愈靜咁！然後身後傳出膠袋聲，我開始有啲毛管戙，亦唔敢轉頭望，一直望上面，希望快啲到，好彩之後都冇事！自此之後，我發覺部升降機有啲問題，好多時我未行到埋去就已經開咗。（夜晚瞓覺會驚？）唔驚，我係一瞓就瞓得着嗰啲人。」

白健恩外表剛強，但原來非常怕鬼！

舞台劇演員出身的小白在《法》劇中演奸角，陰險笑容令人印象深刻。