楊秀惠過往多演奸角，今次終憑賢妻角色成功洗底。

過往多演奸角的楊秀惠最近在《金枝慾孽貳》中演賢妻，成功大洗底！劇中飾演處處包容丈夫的楊秀惠說：「近期啲朋友、粉絲睇完劇都話：『乜你老公關禮傑咁衰，睇見你就慘啦！』開心朋友讚我做戲有進步，話估唔到我做啲內心戲做到嗰種痛嘅感覺！其實係劇本寫得好，喊都有唔同層次，開心演出得到認同，今次呢個賢妻角色真係令我成功洗底！」

楊秀惠過往多演奸角，今次終憑賢妻角色成功洗底。

雖然《金》劇收視欠佳，楊秀惠卻未有氣餒。

提到劇集收視欠佳，她說：「可能外間期望高，其實團隊已經做好本分。有份參與已經覺得榮幸，真係非常鍾意戚其義、周旭明創造嘅角色，同埋第一次合作，阿戚每一場都會喺度睇住，初時有啲緊張，要說服自己當佢冇到，唔好有心理壓力，今次同佢合作學到嗰種認真嘅態度！」