Angel躺在波波池中食波餅，卻毫無怨言。

無綫女藝員蔣家旻憑健康形象為百貨公司拍廣告，幾小時內不停跳躍及被迎面掟波，以表達青春感覺。她笑言跳到抽筋，但效果得意，即使辛苦亦值得！

Angel躺在波波池中食波餅，卻毫無怨言。

蔣家旻隨意揮舞大鉸剪，嚇得工作人員大嗌怕怕！

無綫小花蔣家旻（Angel）在處境劇《愛．回家》中飾演劉丹的女兒「馬子妮」，因戲份不少而成功入屋，加上首次接拍電影即擔正，自然人氣急升！形象健康的她早前獲百貨公司邀請拍廣告，一於密密做搵真銀，她說：「原本佢哋計劃係搵Model，但個顧客原來有睇我演出，覺得形象幾正面，所以點名搵我，超開心！」

人氣急升唔加價

廣告主題為「青春跳躍」，拍攝當日，Angel在沒有彈床輔助下跳足數小時，同時又要保持燦爛笑容，難度頗高！她又拿起大鉸剪扮剪綵，不時興奮地揮舞鉸剪，嚇得工作人員不敢行近，認真大細路！事後，獲工作人員稱讚彈跳力不俗的她笑言跳到抽筋：「以前有學過跳舞，但已經好耐冇拉筋同做運動，所以跳得幾辛苦，之後對腳痠痛咗幾日！」此外，Angel又要躺在波波池中，被工作人員兜口兜臉掟波波，她未有喊痛，反而高呼過癮：「諗番起入行冇耐拍《勁歌金曲》宣傳片，又係有勁多波波，感覺好得意！」

Angel自言接拍《愛》劇後多了不少機會，在街上亦經常被師奶及小朋友叫「子妮」，但她不會貿貿然加價：「珍惜每次機會，價錢合理就OK，有時講心唔講金，多啲曝光對自己都有幫助。」