詹Sir（左）與鵬哥聯手發功，笑爆全場！

「扮嘢宗師」盧海鵬與「扮嘢大師」詹瑞文再度聯手發功，露點互寸兼抵死爆粗，笑翻全場！詹Sir為免變「凸肚麥當娜」而積極減磅，經驗豐富的鵬哥則被一句「入實驗室撳緊急掣」搞到陀陀擰。

詹Sir（左）與鵬哥聯手發功，笑爆全場！

許冠文及許冠傑的經典節目《雙星報喜》當年大受觀眾歡迎。

化身「少年Pi」的鵬哥與詹Sir裸露上身拍片。

為達最佳效果，詹Sir不惜戒食肉減磅。

詹瑞文及盧海鵬的《詹瑞文盧海鵬紅館奇幻扮嘢大典》將於下月14、15日開鑼，為了谷盡人氣，兩代「扮嘢王」日前再度發功，模仿許冠文、許冠傑的經典節目《雙星報喜》拍攝短片，並改名為《雙星報寸》。為求不容有失，他們於拍攝前曾改動對白，務求達到最爆笑效果，正式開鏡時，當然少不了鵬哥的18禁「試咪」環節，即時笑翻全場！

忙到冇洗底褲

其中一句對白繼續玩「試咪」噱頭，鵬哥更爆粗說：「我一話喺紅館試咪，你老竇老母爭住嚟X。」詹Sir則笑言為紅館騷排練，忙得連底褲也沒有時間洗：「條底褲十日都冇洗！」而最考起鵬哥的竟是急口令—「入實驗室撳緊急掣」，令他足足NG了五次才能流利讀出對白。其後，他們又變身「少年Pi」露點拍片兼玩食字，鵬哥更自封「爛口鵬」。事後詹Sir表示今次拍攝是向鵬哥偷師：「鵬哥即時對稿，加入好多新Idea，呢啲都係袋錢落我袋。」

詹Sir又指為做騷已減掉10磅，每天吃菜戒食肉：「我仲想減多10磅！」問到是否為露點環節而減肥？他笑說：「唔係，因為到時我會扮好多巨星，有肚腩嘅Michael Jackson同麥當娜（Madonna），我驚粉絲接受唔到。」問到鵬哥會否擔心屆時忍不住爆粗？他說：「點會，我做咗咁多年，你幾時見我喺台上爆粗！」