露雲娜頑皮地揭賈思樂裙底，被責「冇大冇細」。

被喻為「金童玉女」的賈思樂（Louie）與露雲娜（Rowena）相隔28年再合作開騷，頑皮的Rowena當眾揭拍檔裙底，被當眾教訓；而嘉賓李克勤則膽生毛，公然指兩位前輩年紀大！

露雲娜頑皮地揭賈思樂裙底，被責「冇大冇細」。

克勤（中）任嘉賓合唱《三人行》，與兩位前輩鬥靚聲。

露雲娜想起亡父即淚灑當場，賈思樂忙上前安慰。

賈思樂戴上珍藏多年、由張國榮所送的頸巾。

賈思樂與露雲娜前晚在灣仔伊館演出由馬天尼主辦的《ASANA愛養生呈獻：露雲娜賈思樂Reunited慈善演唱會》，二人久未合作開騷但默契依舊。期間，Rowena手多多揭Louie裙底，被Louie當眾教訓：「唉吔！冇大冇細！」而嘉賓李克勤則大膽暗示二人老：「你知我年紀唔細啦！平時啲人走埋嚟話聽我啲歌大，今日終於到我咁講喇！」

難忘張國榮送頸巾

兩位老拍檔亦有感性一面，Louie唱《當年情》紀念哥哥張國榮時，指身上的灰色頸巾由對方所送：「當年喺化妝間，我讚佢條頸巾靚，佢即刻除落嚟送畀我。」Rowena則唱《Somewhere Over The Rainbow》悼亡父，更感觸到淚流披面。Encore時，她落台與外籍未婚夫及兒子擁抱，場面溫馨。

完騷後，Louie大爆Rowena的瘀事：「佢好渣，次次綵排都頂唔順喊o架！」又讚張國榮有紳士風度：「我一讚佢條頸巾好睇就送畀我，我平時都唔敢用，好有紀念價值！」而Rowena則感激未婚夫支持。