亞視又報「死」訊

亞視56周年台慶今年未有大搞，前日只於總台舉行升旗及舉牌砌台徽了事，但互聯網昨日瘋傳亞視56周年台慶Logo，一眾網民直插Logo似足「死」字，全城取笑亞視自嘲快「死」，有網民表示：「點解橫睇掂睇都似個『死』字？」面對洶湧的群情，盛品儒回應設計是由公司美術部負責，但從不認為Logo似「死」字，並指網民想像力無限：「Logo推出前係經管理層睇過，大家都唔覺似『死』字，反而覺得設計充滿現代感同美感！」他認為網上瘋傳證明多人關心亞視，並考慮順應民意對Logo作些微的修改，他又巧妙地以「死」贈他人：「死都未必係亞視死，可能係其他人死呢！（邊個係其他人？）講笑啫！」

顏子菲「睇唔明」

此外，亞視藝員對「死」各有不同意見，當日有份舉牌的顏子菲，以中文欠佳為由表示無法聯想與「死」字相似：「或者係56年咁啱啫，57年就唔會再有啦，希望等到57年啦，我都係靠呢份糧過活。」而現在為香港電視拍劇的鮑起靜雖早已約滿亞視，但亦擔任台慶活動嘉賓，她對於亞視被笑指快死而感傷心：「聽到都心痛，電視工業要百花齊放先好，唔希望畀人講中亞視『死』，我想佢進步！」

另外，林韋辰及陳啟泰兩大亞視代表人物缺席前日的台慶活動，有傳是因兩人早前接受訪問支持政府發牌而被亞視封殺，林韋辰昨日否認其事：「我本來係當日嘅司儀，但有工作在身先冇出席，唔認為公司會因我講嘅嘢而有咁嘅做法。」而盛品儒亦否認亞視不滿兩人的言行，他指香港有言論自由及不會拒讓藝人出席活動，並表示當日出席演員是經製作部安排，他一概不清楚！