娜姐高海寧爭去巴西以「波」會友

世界盃乃無綫明年的重頭之作，自取得播放權後，不少藝人報名爭住想跟陳百祥去巴西做主持。上屆世界盃去過南非的高海寧表示，為配合公司，性感上陣都肯制，又自言勝在有經驗：「如果真係有得去，我一定會做足功課，上次有本『人肉字典』Keyman（馬啟仁）喺側邊提點我，咁多年後都要溫書。（性感幫公司造勢？）上年都波衫、短褲，性感冇所謂，盡量配合公司啦！」而苟芸慧（苟姑娘）大感興趣，她說：「以前喺加拿大都有同Daddy一齊睇波，公司攞咗播放權梗係會支持！（性感上陣？）做到一定會做，足球BB都冇所謂！不過最好我哋成個姊妹Group好似李亞男、鍾嘉欣、王君馨咁一齊去，咁就最開心。」她又指巴西女仔很Sexy，提到她們都很性感，她笑說：「咁可以將我哋嘅HK Style發揮過去。」而周秀娜坦言若曾志偉邀請她都想去，她說：「以前有睇波，不過如果有機會做主持，會更加努力，怕畀人笑。」