志偉除了畀面無綫主持世界盃節目外，亦十分畀面好友陳可辛！前晚志偉力撐陳可辛的新戲《中國合伙人》特別場，提到有指他另開經理人公司跟無綫及好友陳國強搶人，他說︰「邊敢！我打佢工邊敢搶佢啲人，其實係開製作公司唔係經理人公司。」同場還有陳法拉、張家輝、郭富城、張學友、梁家輝、余文樂及邱淑貞夫婦等。戴超型爆到場的城城對於早前愛駒「愛將」勝出，他又拉頭馬，但有指是因苟芸慧旺他時，他笑言新聞無聊，睇完得啖笑。問到有傳他出錢給苟姑娘租屋？他無奈地說：「兩個字，白癡！」講完即閃人！

另外，跟無綫約滿後回復自由身的法拉，日前被本報拍到拍攝電影，似乎想轉戰影圈！對此，她只表示希望工作上能有更多挑戰：「最緊要有好劇本！」對於有報道指她因合約問題跟樂易玲有爭執，她尷尬地說：「冇睇過，唔知呀！大家都有傾偈嘅！」她指不會以視后換約，更不會着眼於銀碼：「同無綫嘅感情唔係講錢嘅！」而張家輝早前為雜誌拍攝的一輯騷肌照，受訪時她得戚地說：「嗰啲係皮毛，仲有好多珍貴嘅相，嗰本差唔多係寫真嚟！（老婆好有Feel？）佢冇乜反應，佢有冇Feel都成日話好愛我o架啦！」