今年推出寫真的Mika表示，不會理會其他寫真對手。

曾與郭秀雲兒子龐錢景峰拍拖的模蕭美卡（Mika），去年因與前公司鬧翻，寫真夢泡湯，失蹤近一年的她幸得施念慈幫助，據知以六位數字為她贖身，並簽約旗下經理人公司，決定再博一鋪出寫真。雖然過去一年Mika沒在幕前工作，但仍Keep住搵食架生，搣甩Baby Fat之餘，原本33C上圍再度發育彈上33D，唧出四吋事業線。對於今年推出處女寫真，她說：「好緊張，我知一定會做到最好，但今次主題係玩純色同Sell Naive（天真），性感程度唔會去得太盡！」她又說：「真係好多謝Iris（鍾采羲）推薦我畀施念慈，用幾多錢幫我贖就唔講喇！但冇諗過今年可以出到寫真，呢個係我夢想，如果反應好，出年都想再出！」

今年推出寫真的Mika表示，不會理會其他寫真對手。