陪娜姐入完貨後，黃永峰一手拎晒，展現Man爆風度。

周秀娜自飛甩劈腿舊愛陳偉成後Dry爆，前日她被發現與曾傳緋聞的有婦之夫黃永峰行超市，有「兵」慰藉的娜姐風騷自爆親自下廚，為對方慶祝生日！

陪娜姐入完貨後，黃永峰一手拎晒，展現Man爆風度。

娜姐揀芝士，黃永峰耐心地陪伴在側。

娜姐落力揀乳酪，莫非這是Keep Fit秘訣？

Avis到泰國拜四面佛求轉運。

女神周秀娜回復單身後，儘管有傳舊愛陳偉成（Avis）極力箍煲求復合，但見過鬼怕黑的娜姐堅拒翻撻，更揚言希望下一位男友要有事業心和成熟。據知自娜姐公開「放盤」後，追求者不絕，但未揀定的她難免Dry爆，故頻頻應約解悶，即使對象是人夫亦不抗拒。前日她跟曾傳緋聞的人夫監製黃永峰行超市，氹得對方樂做觀音兵。

早於2011年，娜姐跟黃永峰合作電影《熱浪球愛戰》時傳出緋聞，至近日二人再度合作《爆3俏嬌娃》，在公在私頻頻見面。前日下午五時許，素顏的娜姐偕黃永峰到中環一間超市，二人在店內揀凍肉、鵝肝、牛油、乳酪及調味料等，全程有商有量。

出「煮」意慶生日

娜姐發現記者後仍笑笑口，問到是否親自下廚？她說：「都係嘅，我同啲Friend都有煮嘢食。（多數讚定彈？）梗係讚啦！我煲湯佢哋連湯渣都食晒！」及後二人又到爆谷店試食。問到黃永峰為何與娜姐一起？他說：「我哋差唔多時間生日，同啲同事一齊搞生日會。」娜姐離開時好奇地問：「點解咁多記者？（你大粒嘛！）我好細粒o架咋！」娜姐其後上載二人晚上與同事開生日會的照片，並祝黃永峰生日快樂。

娜姐風騷有仔陪，但另一邊廂，Avis卻要與同性朋友悶遊泰國。近日黑仔事件一籮籮的Avis，受訪時表示赴泰拜四面佛：「想有新嘅姻緣，但現時都希望以工作為先！（有冇艷遇？）有都唔敢試啦！」談到娜姐今年同樣黑仔，會否幫她祈福？Avis淡然地說：「冇，都冇聯絡。」