前港姐葉翠翠最近被拍得與駕駛名車的闊少約會撻着，昨日在徐子珊缺席下撐新劇拜神的她否認對方是闊少，強調只是普通人一個，亦不是她的男友。問到對方是否有意追求？她笑說：「只係有往來，依家好擔心同男仔出街，要好大膽嘅男仔先敢追我，報道出街後，呢個都可能會絕交。」她又慨嘆藝人身份嚇怕追求者：「的確係有人追我，有啲就話如果我唔係做呢行就好，可以同我去唔同地方食飯，有個去咗五、六次街，但聽到我拍劇就再冇聯絡喇！自己真係錯過咗好多機會，咁介意都冇辦法。」她自言現時已是「盛Lady」，與男士正常約會，不介意被傳媒追蹤。