Abella手持G-Dragon的「聖物」蓮花螢光棒支持偶像。

富家女歌手梁佑嘉（Abella）兩個月前遠赴北京參演大製作劇集，並於當地上演技課。期間趁有空檔，她參觀名勝故宮，豈料慘食閉門羹，她說：「真係好烏龍，我下晝三、四點去到，見到啲旅行團開始離開，原來就閂門。」摸門釘的她最後只在門外拍照留倩影。

Abella手持G-Dragon的「聖物」蓮花螢光棒支持偶像。

Abella錯過故宮開放時間而食「閉門羹」，惟有在外圍留影當到此一遊。

除了歎傳統的北京填鴨，Abella還暢遊京城不少新地標。

Abella又無懼H7N9禽流感，膽粗粗品嘗北京填鴨：「雖然當地有確診，但我唔理喇，嚟到北京點都要一試，真係好好食，鴨皮入口即溶！」由於撞正Big Bang隊長G-Dragon（GD）在北京開騷，身為小粉絲的她急急撲飛朝聖：「我一入場就喪嗌，嚇親隔籬個小妹妹，但GD都好識搞氣氛，係咁叫Honey同埋Baby，我覺得佢係對我講嘅，女人嘅直覺一定冇錯。」