Winkie（右）以性感透視裝上陣，Crystal自爆童年時經常飲肥皂水。

女子組合HotCha和陸永昨日出席活動，跟台下一眾小朋友齊齊感受肥皂泡藝術家的奇幻泡泡，成員Winkie罕有地以透視露背裝上陣，而Crystal則自爆童年時經常飲肥皂水及食擦膠碎！

Winkie（右）以性感透視裝上陣，Crystal自爆童年時經常飲肥皂水。

囡囡患病，陸永惟有獨自出席活動。

女子組合HotCha和農夫成員陸永昨日出席肥皂泡表演活動，更上台親自感受奇幻泡泡的魔力。HotCha成員Winkie罕有地以性感透視裝現身，露出粉紅打底Bra Top。問到為何以一身戰鬥格上陣？她笑說：「件衫For靚，係睇美感，我哋喺台上會性感啲。」成員Crystal則說：「我哋性感過喇！試過着比堅尼拍寫真。」

Crystal在台上自爆小時候經常「隊」肥皂水：「我細個父母冇時間照顧我，我成日同鄰居小朋友玩，因為啲泡泡水樽好似飲得嗰啲水，所以成日飲，搞到成日肚痛，後尾媽咪發現先話我聽嗰啲水唔飲得。」她又笑言童年時還會食擦膠碎。

陸永囡囡腸胃炎

此外，陸永表示原本有意帶十六個月大的囡囡出席，但她前晚突然患上腸胃炎，他說：「漏夜帶佢睇咗醫生，佢依家乜都亂咬，可能咁所以腸胃炎。」