JW唔講錢：生存到就OK

黎明愛將JW、應昌佑、雷頌德及甘國亮等，前晚出席手袋品牌MCM香港娛樂行旗艦店開幕二周年慶典。問到拍攝音樂宣傳MV被拖數及公司入稟追討一事，JW表示只負責唱歌，而公司負責行政上的事，問到會否擔心冇糧出？她透露曾讀會計，並笑言計數精：「點出糧佢哋會分配好，唔擔心，錢銀唔係問題。（乜都信公司唔過問錢？）有佢哋制度，但我唔知出幾多糧，啲數好整齊，Details唔講，生存到就OK。」JW又自爆好耐冇見前老闆娘樂基兒：「喺網上見到佢啲相！（佢最近返香港？老闆心情受影響？）都好耐冇見佢，佢忙做自己嘢。」