菁瑋近日加入「追鴨」行列，打得的她外表硬淨，其實擁有一顆少女心。

讀粵劇出身的菁瑋在演藝學院畢業後加入藝員訓練班，因有功夫底子，獲監製李添勝點名拍打戲，現已過檔香港電視的她，遺憾拍《金枝慾孽貳》時與陳豪「有緣無分」！

菁瑋近日加入「追鴨」行列，打得的她外表硬淨，其實擁有一顆少女心。

一招劈掛劍，又怎會難倒「食過夜粥」的菁瑋？

畢業於香港演藝學院的菁瑋主修粵劇，自16歲開始，每天花4小時鑽研粵劇基本功。練得一身好功夫的她，於2009年加入第23期無綫藝員訓練班，全因紮實的功夫底子，很快便獲「金牌監製」李添勝賞識，她說：「嗰陣藝員訓練班畢業，要喺監製面前騷Talent（才能），我就揀拿手嘅耍槍，之後添哥主動邀請我拍《鐵馬尋橋》，同馬國明有打戲。」雖然戲份不多，但起碼此後凡有打戲，都會令監製想起她。

其後在好友馬賽穿針引線下，菁瑋再於《名媛望族》中飾演楊怡的戲曲班師妹，大騷本錢耍槍弄劍，其後獲不少前輩推薦，在《金枝慾孽貳》中唱戲曲展歌技，她說：「好多謝識我嘅前輩向阿戚（監製戚其義）推薦我。」不過隨着約滿TVB，菁瑋表示《金枝貳》是她臨跳槽到香港電視前最遺憾的作品：「本身阿戚想寫我同陳豪有感情線，不過無奈拍拍吓我就要走，好遺憾，好想同資深演員合作。」

跳槽望開眼界

雖然錯失良機，但菁瑋卻深信時機才是最重要，覺得藝術不應「框死」的她離開TVB後加入香港電視，她說：「TVB都有畀好多機會我，但我想眼界闊啲，唔同時段有唔同機會，而且地球係圓嘅，話唔定將來會同合作過嘅人重遇。」