譚凱琪「移民」挪威抗敏感

有線旅遊節目女主持譚凱琪（Zoie）長時間飛來飛去，差不多已踏足半個地球的她笑言將來退休，會認真考慮移居福利及環境都一流的挪威：「其實每去一個地方都會有衝動想搬去嗰度，好似之前去挪威同芬蘭，空氣好好人又少，連皮膚都好咗！之後一返到香港就唔慣，空氣差，搞到皮膚敏感。」雖然長期旅行苦了皮膚，但Zoie自言比以前更健康：「因為出Trip唔可以病，所以每次喺香港都會好勤力做運動同注重飲食，變相比以前仲健康咗！」因為長期不在港，愛狗的她擔心再養寵物會沒有時間照顧，所以被迫放棄，幸好她將夥拍廖碧兒拍攝寵物節目，暫時止一止渴，還透露會邀請圈中有養寵物的藝人分享心得。