陳鍵鋒獲大批粉絲陪過生日，夠晒驚喜。

藝人陳鍵鋒於內地發展多年，近日忙與張馨予拍攝內地劇《封神英雄榜》，適逢本月初踏入35歲生日，大批粉絲帶同蛋糕及禮物探班，令他驚喜萬分：「估唔到Fans咁有心送個海洋蛋糕畀我，靚到唔捨得食！正日都係同朋友食飯，因為套劇好趕，放一日假已經好好。」

陳鍵鋒獲大批粉絲陪過生日，夠晒驚喜。

蛋糕鬼咁靚，陳鍵鋒唔捨得食！

提到生日願望，鍵鋒直言想搵女友，盡快成家立室：「年紀唔細喇！想搵番個女友拍幾年拖，之後結婚生仔，父母都知我冇時間拍拖。（想搵咩類型女仔？）大家有共同理念同睇法，唔好太黐身，外形最好係高高瘦瘦。（搵內地女友？）應該唔會！始終喺內地發展耐咗，發覺好多文化差異，總之一切隨緣！」他又透露在《封》劇與內地女星姜鴻扮演夫妻，問到有否親熱戲，他說：「都有，但搞笑為主。」