Mei Mei回想跳彈床時差點出事，笑指當時非常驚險。

出道近一年的曾善美（Mei Mei）早前拍攝快餐連鎖店廣告，在彈床上跳足一小時。首次跳彈床的她雖然覺得非常好玩，但因彈床太細而險些「跳出街」，非常驚險！

Mei Mei回想跳彈床時差點出事，笑指當時非常驚險。

Mei Mei想不到會被快餐店揀中，希望藉此跳入屋。

DaDa師妹各奔前程，Mei Mei轉戰廣告界發圍。

陳靜（DaDa）不少師妹如郭穎兒與鍾采羲等均踩入大銀幕吸金，另一師妹曾善美（Mei Mei）同樣吸金有道，早前便成功揮低其他模特兒，獲快餐連鎖店睇中拍攝新一輯廣告！她透露酬勞相當滿意，對被揀中感喜出望外︰「真係好開心！講真當時真係估唔到會搵我拍，因為通常影過寫真嘅都好少有咁嘅機會，有人會覺得係形象問題，但可能我嗰本比較健康，其他人嘅性感為主，所以揀咗我。」

Poster貼勻全港

回想拍攝當日，Mei Mei跳足一小時，故初初覺得有點辛苦︰「因為拍呢個廣告最主要係喺彈床上跳，嗰日換咗三套衫跳，跳咗差唔多一個鐘，仲要一邊跳一邊Keep住個笑容，開頭係有啲唔慣。」雖然Poster的她是穿高踭鞋的，但原來只是電腦效果，她透露當時只是穿平底鞋上陣，否則會擔心跳到腳軟兼「拗柴」。不過，Mei Mei自爆因彈床太細，差點「跳出街」，她笑說︰「因為要拍到好興奮嘅效果，所以先喺彈床度跳，但可能張彈床太細張，而且我第一次玩呢樣嘢，所以跳跳吓差啲飛咗出去，當時真係好危險，嗰一刻自己都嚇一嚇。」對於廣告照能在全港多間連鎖快餐店擺放，她感到非常開心，希望藉此令更多人認識。