夏尉喻的人生充滿坎坷，足夠寫30集煽情長劇！

「寸嘴Barbie」夏尉喻（前名廖祉甯）入行後星途崎嶇，其身世原來亦相當坎坷！來自單親家庭的她九歲起便肩負照顧弟妹的責任，與親生父母更猶如陌路人：「父母離婚後就各自嫁娶，完全冇湊過我同兩個細佬妹，係祖父母養大我哋！依家同父母最多一年見一次。」

夏尉喻的人生充滿坎坷，足夠寫30集煽情長劇！

夏尉喻表面堅強又活潑，內心卻缺乏愛！

自小缺乏家庭溫暖，Barbie自爆一度與死神擦身而過：「四年前因為急性心肌炎，我喺公司突然暈低，仲一度送入深切治療部！當時醫生怕我唔得，仲要我寫定遺囑向細佬妹交代身後事。」經此一役，Barbie與送她入院的上司譜出戀曲兼訂婚，奈何最終分手：「兩年前我同未婚夫曾經入紙申請結婚，可惜最後因為性格不合分手，之前我心肌炎復發都係自己一個Call白車！不過我都睇開咗，希望將來可以搵到個真命天子照顧我。」