張暖雅不怕與新片對手雨僑比較。

擁有34D逼爆上圍的張暖雅（Angelina）早前積極收身，導致咪咪「降呢」漏晒氣！將於新片火併34C雨僑的她，近日努力按穴位豐胸，成功修復胸前導彈，Angelina更揚言和雨僑冇得比！

張暖雅不怕與新片對手雨僑比較。

Angelina示範私下的一套「拍胸」保養法。

為了在新片中搶「峰」頭，張暖雅即到美容院「急救」咪咪。

早前激減19磅的Angelina，其34D上圍同時亦「大縮水」，本月底將與34C「乳神」雨僑，合演胡耀輝執導電影《猛龍特囧》的她，為在戲中搶盡「峰」頭，於是急急腳到美容中心，豐胸搶救「漏氣巨咪」！Angelina坦言難得出鏡，故希望把握機會，以最佳狀態示人，並興奮地分享「升胸」過程：「瘦咗之後個胸細咗幾個Size，為咗Keep住個性感形象，所以嚟（美容院）試吓穴位豐胸通乳腺、淋巴，做完第一次已經立即升咗一Cup，有番晒自信！（公司有資助？）冇，呢啲係我嘅事業，係自己貪靚。」

Angelina又透露私底下的「拍胸」保養法：「每日沖完涼將身體俯前，用雙手喺胸部下面，每邊拍打五分鐘，咁樣可以通乳腺，聽講會大三吋！」不過，成功「谷咪」的Angelina亦曾遭內地美容院騙財，她表示當年曾豪花五位數做收身療程，一年後依然無效，更導致皮膚敏感！問到可有向該機構追究？她即勞氣地說：「搵佢都冇用，可能佢聽日就執笠，最好辦法就係唔好隨便搵間美容院。」

夥拍大卡士前輩

至於新片盛傳由金像獎「最佳男配角」鄭中基擔大旗，笑言或飾演「狂野律師」的Angelina說：「對手係大卡士、搞笑男星，仲係演技好嘅前輩，但仲未講得，要等公司安排。（有激情戲？）可以考慮，我唔介意拍裸露戲。」問到會否怕跟雨僑比較？她說：「我從來都唔同人比，係人哋同我比，我都唔想，其實冇得比，我哋完全係兩種類型！」