蔡少芬形容《金枝貳》是老火湯，觀眾嗒真自然發現回味無窮。

蔡少芬主演的《金枝慾孽貳》鬧出連串是非，但未能帶旺收視，她認為觀眾慣看「即食麵」劇集，缺乏耐性煲劇，又讚《金枝貳》如老火湯，嗒真才有味道。

蔡少芬形容《金枝貳》是老火湯，觀眾嗒真自然發現回味無窮。

蔡少芬跟陳豪相擁一幕，相信能吸引不少觀眾收看。

鄧萃雯（前排左）及伍詠薇等演技精湛，蔡少芬希望觀眾用心欣賞。

對於「飛紙仔」，蔡少芬認為充滿挑戰性。

蔡少芬、鄧萃雯、伍詠薇及陳豪主演的劇集《金枝慾孽貳》收視麻麻，觀眾呻劇情難明，雯女歸咎拍攝時「飛紙仔」零劇本，引發與編審的網上罵戰。蔡少芬對「飛紙仔」另有睇法：「我冇問題，『飛紙仔』唔使做功課，收到劇本就用第一身演繹，角色出嚟會更立體，我反而鍾意咁！拍內地劇有晒劇本，但我都只係會約略睇吓大綱，拍之前先背熟嗰日嘅劇本，效果會更加估唔到，咁樣有挑戰性啲！」她又還認為《金枝貳》是其代表作之一：「唔係要攞獎、收視好先有價值。」

對於收視低迷，她說：「我覺得觀眾先入為主，第一集已經話唔明，有啲師奶聽到難明就唔睇，令件事誇大咗，好似套劇所講嘅一樣，謠言可以整死一套劇。」她又大賣關子，稱「好戲在後頭」：「其實後尾劇情係講鄰里同家庭，係師奶睇得明同鍾意嘅劇情。電視劇係要煲o架！唔好咁『即食麵』啦！老火湯要煲，嗒真先有味。」

鬧劇透多餘

無綫急搵演員拍「劇透」補鑊，蔡少芬卻覺得多餘：「講晒劇情出嚟睇嚟做乜？多餘！開頭封鎖晒劇情唔畀講，就係想觀眾估唔到。其實想睇嘅觀眾自然會睇，唔睇嘅觀眾亦唔會因為劇透而睇。」