學友（右起）、欣宜及阿姐將於肥姐紀念騷上獨唱，令人期待！（資料圖片）

六月一日是「肥姐」沈殿霞的生忌，圈中好友將大搞紀念騷緬懷肥姐的點滴，當晚有「歌神」張學友獻聲及EYT成員搞Gag獻技等，陣容鼎盛之餘又奉行「開心果」精神，齊齊「嘻嘻哈哈」笑念肥姐！

學友（右起）、欣宜及阿姐將於肥姐紀念騷上獨唱，令人期待！（資料圖片）

擔任司儀的鄭裕玲、曾志偉及陳百祥有晒默契。（資料圖片）

曾志偉（左）（資料圖片）

阮兆祥（左起）、王祖藍及李思捷有份演出紀念騷，相信屆時必笑料百出。（資料圖片）

不經不覺，「開心果」沈殿霞（肥姐）已離開我們五年，其招牌笑聲實在令人懷念！有見及此，肥姐一眾圈中好友將貫徹開心果精神，於其生忌（六月一日）舉行《開心果永遠欣想演唱會》。

黃金司儀陣容

紀念騷由「黃金組合」鄭裕玲、曾志偉及陳百祥擔任司儀，一眾好友更會重演肥姐生前的經典，當中「開心果之夜」環節由葉麗儀、劉雅麗及陳潔靈上演肥姐的著名舞台劇《麗花王宮》。而薛家燕及盧大偉將化身肥姐及已故歌手羅文，將二人的經典「情侶合唱團」搬上舞台，大唱多首膾炙人口的金曲。

而一班EYT成員亦齊「搞氣氛」，上演當年的經典短劇《多咀街》，胡楓又表演「數白欖」，而新福祿壽阮兆祥、王祖藍及李思捷則「助興」表演棟篤笑！另外，「歌神」學友、女兒鄭欣宜及「阿姐」汪明荃將各自Solo，而任賢齊及草蜢亦擔任表演嘉賓，可謂星光熠熠！

主辦單位之一的星煥國際老闆何哲圖指紀念騷主要圍繞肥姐：「肥姐係開心嘅象徵，亦係演藝界嘅榜樣，好值得我哋倣效，所以今次嘅形式以開心為主，希望帶畀大家開心嘅一晚。」