雖然古仔毋須君如做媒人，但無損二人友誼。

古天樂與吳君如前晚一同出席活動，父親節將至，古仔有意買錶送給父親：「細個佢送過隻卡通膠錶畀我，我鑲起咗留念！」對於早前君如表示不再為他做媒人，古仔說：「從來冇叫過佢做，不如介紹多啲工作畀我。我唔會嬲，小器嘅人難同佢做朋友，佢鍾意講笑。」君如則透露早前母親節與母親和囡囡食飯慶祝：「囡囡鍾意閃嘢，我儲咗廿幾隻古董錶，但個女嫌舊唔鍾意，朋友提議每年送粒鑽石畀佢。」問到收到甚麼母親節禮物？她說：「囡囡送咗紙摺康乃馨同唱康乃馨之歌。」

雖然古仔毋須君如做媒人，但無損二人友誼。