細心聽講解後，小春孭上Jetpack試飛成功，英呀！

準爸爸陳小春與鄭伊健接獲絕世筍工，飛到澳洲奉旨玩轉海陸空，小春更化身輕量版「鐵甲奇俠」上天下海，實行做老竇前最後一「激」！

細心聽講解後，小春孭上Jetpack試飛成功，英呀！

伊健（右）與小春到澳洲拍特輯奉旨玩到夠，梗係飲得杯落。

小春玩降落傘難掩興奮。

將為人父的陳小春早前與好友鄭伊健到澳洲錄影旅遊節目，奉旨由頭玩到尾。小春一抵澳洲即往探望澳洲國寶樹熊，但其熱情卻被樹熊冷待，全程以背「得」着他，小春搞笑拍得「影後」合照，上載微博大嘆：「被嫌棄！」

小春此行挑戰多項極限運動，高空跳降傘、玩滑浪及笨豬跳外，亦到著名潛水勝地大堡礁，看到色彩繽紛的珊瑚礁海底世界，不禁連聲讚嘆。此外，小春更一嘗水上噴氣飛行器Jetpack，戴上黑超的他全副武裝，細心聽工作人員指示，最終成功升上數米高，大有熱爆電影《鐵甲奇俠》（Iron Man）的影子。

自我挑戰最正

「重返地面」的小春對今次旅程十分滿意：「一直都鍾意有挑戰性嘅運動項目，今次有機會嚟澳洲，可以睇風景又可以挑戰自己，太正喇！」而今次與好兄弟鄭伊健一起寓工作於娛樂，更是難能可貴，小春說：「同好朋友一齊旅行先更有旅行嘅意義。」