熊黛林悉心打扮出席活動，狀態已見回復。

模特兒熊黛林（Lynn）與郭富城分手後不時出國散心，昨日她透露有追求者，又表明想找圈外人拍拖，但不會逼另一半結婚，似想暗示沒有向城城逼婚！

熊黛林悉心打扮出席活動，狀態已見回復。

Job接Job的熊黛林，昨晚換上長花裙出席另一場合。

名模熊黛林昨晚連走兩場出席活動，她穿白色貼身裙與王賢誌、張兆輝及方中信等出席酒會活動時心情不俗，並表示最近與媽咪及南京的朋友打牌打通宵，雖然做大輸家，反而很開心。問到有傳是她向城城主動提出分手？她說：「係咩？過程唔重要，最重要係結果，可能依家最開心，大家冇乜聯絡。（係咪心中好朋友？）係。」

問到現時有否追求者？與城城未能開花結果的Lynn語帶感慨，坦言希望新男友是圈外人：「希望（另一半）唔係呢行，有多啲時間同對方一齊，最緊要係Chinese，容易溝通。（拍拖諗結婚？）個個女仔拍拖都諗結婚，不過唔會逼對方，要有共識，一步一步嚟！」她承認身邊有異性出現，但做情侶講求緣分，笑言可能明天就有男友，亦不排除閃婚。問到會否出席好友汪圓圓的婚禮？她表示暫未收到邀請，有空一定到賀，亦不介意與「情敵」苟芸慧同場。

城城心結難解

而郭富城早前出席在蘇州舉行的電影《聖誕玫瑰》首映，問他會否順道參觀Lynn讀過的大學？他表示當晚要到上海，不在蘇州逗留。片中飾演與父親有心結的他，透露現實中與父親感情很好，但自爆亦有心結：「無論係邊個，都會有大大小小嘅心結，我覺得既然係心結，就喺內心深處，就算朋友同家人，甚至交情深嘅朋友都唔講得。」另外，適逢《聖》片導演楊采妮生日，城城與劇組齊齊飯局賀壽。