角逐影后的嘉玲剛從康城返港，對得獎與否抱平常心。

公認衣着有品味的劉嘉玲遇上國際名模姬摩絲（Kate Moss），即自愧不如，並大讚對方是神和世界上最有型的人；而姬摩絲近日為其私人畫展秘密來港，順道捧老友Stella McCartney場，即使落大雨還親民地企定定任影。

角逐影后的嘉玲剛從康城返港，對得獎與否抱平常心。

嘉玲與鄧永鏘和Kate Moss喜相逢，並大讚Kate是永恒的Fashion Icon。

Kate與Stella情同姊妹，梗要撐對方場！

香港影后劉嘉玲憑《過界》入圍今屆康城電影節「一種關注」單元，演技獲一致讚賞，更被指有機會封后，但她未等結果公布已回港。昨晚嘉玲出席藝術活動，被問到為何不等結果？她說：「我有嘢做，有導演同劇組喺嗰邊，部戲已經超額完成！（冇信心攞獎？）冇諗咁多，唔係我控制。」而昨日她在微博上載了一張與姬摩絲及鄧永鏘的合照，並大讚「姬摩絲是永遠的Fashion Icon」，問到是否與姬摩絲見面？嘉玲即滔滔不絕大讚說：「好開心，我好鍾意佢，佢係神，無論佢乜年紀、乜打扮、有冇化妝，佢係我見過最識得着衫、打扮，世界最有型嘅人！係我嘅Fashion Icon！」

同場還有富商梅鐸妻子鄧文迪（Wendy），她與嘉玲及章子怡曾在康城齊食牛肉麵，對於有指章子怡與Wendy食牛肉麵泯恩仇，嘉玲說：「冇聽過，佢哋有傾有講，係子怡介紹Wendy畀我識。（請番佢煮飯仔？）會，今次輪到我，不過我只係識煮公仔麵。」另外，對於好友趙薇與陳坤鬧不和，王菲還消取陳坤的微博關注，嘉玲說：「我唔清楚，最近好忙，冇睇朋友微博。」再被追問老公梁朝偉對她唱歌有何評價，她哈哈笑說：「佢非常感動。」

冒雨親民任影

另一邊廂，秘密來港的姬摩絲行程緊密，其好友鄧永鏘（David）前晚在中國會設宴，並在該場地舉行畫展，他說：「Kate Moss今次嚟中國會搞私人畫展，順便同佢食咗餐飯。」姬摩絲昨晚又到金鐘Helena May出席設計師老友Stella McCartney的私人晚宴，約8時抵達的姬摩絲，獲Stella親自迎接，即被大批記者包圍，雖然正落大雨，但姬摩絲刻意放慢腳步，再走到帳篷位置任記者影，全程笑容滿面，與Stella言談甚歡，逗留十分鐘後由保安開路離開。