Cara與Jesper都十分喜愛小朋友，婚後即密密造人。雖然仍未有好消息，但兩人已有一套共同的教仔理念，他們都不主張對小朋友太嚴厲和太管束，Jesper說：「我嘅父母幾開明，畀仔女好大自由度，我都會尊重我啲小朋友，同埋平等對待佢哋。」而Cara表示絕不會體罰小朋友：「我希望同我啲小朋友好Close，我會教佢哋最緊要做一個善良嘅人，其他可以自由發展。我唔鍾意體罰，我父母都冇打過我，每次我做錯事，我媽咪都會唔理我，直情漠視我，反而比打我更難受，更加知錯。」