洪子崎廚具集郵Cook得掂

以為送禮物給女孩子，衫、鞋、手袋、首飾包冇錯？那就錯了！偏偏Jocelyn師妹洪子崎（Angelina）熱愛烹飪，最喜歡收的禮物竟然是廚具，而其男友今年送的情人節禮物正是攪拌機，她說：「呢個攪拌機好貴，我睇中咗好耐，但一直唔捨得買，最後男友趁情人節送畀我，我太鍾意整嘢食喇！」Angelina另一個煮食好幫手是食物處理器，可以將食物切絲及切片，她笑說：「新年我會自製蘿蔔糕，當時未買呢部機，真係刨蘿蔔刨到手軟，買咗就方便好多！」她還開了一個美食Blog，並獲著名廚具品牌贊助煮食用具及器皿，慳了不少錢，Angelina大讚廚具又靚又啱使：「全部係陶瓷造，雖然比較重但夠耐用，而且顏色又多又靚，煮嘢食時特別開心。」