「細細粒」陳嘉佳樂觀開心果

陳嘉佳（小寶）憑無綫劇集《老表，你好嘢！》彈起，飾演王祖藍鄉里的「細細粒」成功上位，人氣急升，每次出席商場活動都有粉絲前來撐場。而小寶的搞笑開心果形象，在圈中可說是一枝獨秀。雖然細細粒性格樂觀，但仍有不愉快的時候：「我出道嗰時，有人叫我做恐龍，真係會唔開心。」細細粒表示15歲時已有140磅，但因小時候輪廓標致，有人認為減磅後的她，會是索女一名。為了拍拖，她曾想過於兩個月內踢走80磅肥膏，但另一方面，她又感到矛盾：「我身形同個名有咁大出入，啲人容易記得我，我個樣肥嘟嘟，都幾可愛，小朋友見我扮鬼臉就笑，如果我瘦咗，變咗索女，可能會冇咁可愛同得人鍾意，點拍喜劇？」