畫功了得的Aka，願望開畫展幫助獨居老人，十分有愛心。

組合Super Girls隊長Aka唔只跳得，原來畫功亦出乎意料強勁，擁有藝術天分的Aka三歲已在功課簿上「顯功架」，雖未受過正式畫畫課程訓練，但短短一小時便輕易畫出Zentangle抽象畫，Aka希望有朝一日能開畫展，並將收益捐助獨居老人，Aka坦言畫畫能陶冶性情，完成每幅作品後都有很大滿足感。

畫功了得的Aka，願望開畫展幫助獨居老人，十分有愛心。

Aka落筆之前會上網搜集資料，以便畫出佳作。

Aka拿着親手畫的作品，很有滿足感。

欲˙善˙其˙「畫」 必˙先˙利˙器
畫具：非常簡單，一支筆、一張畫紙已經可以完成畫作，當然如果想圖案細緻一點，應該準備由0.1至0.9粗幼筆嘴的墨水筆，以防失手畫出界，可預備一支塗改液。

畫˙作˙大˙晒˙冷
貓頭鷹呢幅我用咗5個鐘頭畫，不過效果唔係咁理想，仔細啲望就會發現個身係歪咗，畫之前上網搵咗少少有關貓頭鷹資料，先知貓頭鷹係有三層眼皮。

面具利用好多種Pattern畫成，入面亦藏咗我個名「AKA」，呢張我只係用咗3個鐘完成。

我由雀仔頂帽開始畫，最難係一對腳，因為要有前後效果同對稱，完成成隻雀先畫頂部圖案，呢幅用咗2個鐘左右。

畫人像我比較弱，所以我將Super Girls五位隊員畫成Q版，大家覺得似唔似呢？

去年橫掃各大頒獎禮的組合Super Girls隊長Aka，近日不時在社交網上載親手畫的抽象畫，獲不少網民大讚，有歌迷更封她為「畫家Aka」，修讀設計的她坦言從未學過畫畫，全是父母賜予她的天分：「三歲時已經喺功課上面畫畫，大個先知真係鍾意畫畫，可惜讀書時冇Take美術，因為全級只得廿個學生可以修讀。」問到為何不向畫家方向發展？Aka說：「畫家唔係太賺到錢。」

Aka又透露閒時會上網欣賞畫作：「我畫呢類型係叫Zentangle（禪繞藝術），係好抽象同獨特，落筆前都會上網睇吓資料，好似畫貓頭鷹咁，原來貓頭鷹係三眼皮，同埋睇吓有咩Pattern。」Aka自爆近日瘋狂畫畫：「睇完啲Pattern好似上晒腦咁不停畫，不過畫一幅唔算用太多時間，快則一小時、慢則要成日，每張圖都有個神韻。」

心情影響落筆

問到畫畫能否發洩？Aka說：「可以陶冶性情，完成時有好大滿足感。」她更自爆有一次心情不佳搞到「撻Q」收場：「心情煩躁好難落筆，畫嚟畫去都唔啱，浪費咗好多墨水同紙。」問到有否試過將感情放在畫中？她說：「冇，好難表達到。」喜愛畫畫及寫詩的Aka會否藉畫畫冧情人？她說：「我估會畫啲可愛嘢。」

Aka希望有朝一日能開畫展：「將自己嘅畫義賣，扣除成本將收益幫助啲公公婆婆，呢個係我其中一個心願。」經常當義工的她透露當年主要幫助獨居老人：「睇住啲公公婆婆離開好大打擊，好想有能力去幫助佢哋。（開始儲定畫？）暫時唔係好多幅，如果真係搞到會努力去畫，始終係自己心願。」

畫˙作˙大˙晒˙冷

落筆前盡可能上網搜集有關心中想畫的資料，繼而在畫簿上由頂開始落筆，如畫人像應由頭開始着手，然後畫上身及下身，最後先加外圍圖案。